ஜிங்சக்... ஜிங்சக்... ஜிங்சக்...!!!

அலுவலகத்தில் ஜால்ரா
அடிப்பவர்களைப் பார்த்தால்

சில சமயங்களில்
சிரிப்பாக இருக்கிறது

பல சமயங்களில்
பயங்கர கோபமாய் வருகிறது

என் மேல் எனக்கே
ஏகப்பட்ட வெறுப்பாய் இருக்கிறது

என்ன காரணமாக இருக்கும்
என்று நினைத்துப் பார்க்கிறேன்

ஒரு வாரமாக தினமும்
ஒரு கடைவிடாமல் தேடியும்

ஜிங்சக் போட
ஜால்ரா கிடைக்கவில்லை

பல கடைகளில் சொல்கிறார்கள்
பயங்கர டிமாண்டாம்

அட்வான்ஸ் புக்கிங் செய்து
அள்ளிப் போகிறார்களாம்

இனியும் தாமதிக்க வேண்டாமென்று
இணையத்தில் தேடினேன்

ஈபேயில் வாங்கியது கைக்கு வந்து சேரும்வரை
ஈஈயென இளிக்கவேண்டும் வாய் காதுக்கு வரும்வரை...