Monday, June 15, 2009

ஒரு அப்பாவி ரங்கமணியின் பதில்

ச்சின்னப்பையன் அண்ணே புதுசா கேள்வி பதில் தொடர் ஒண்ணை ஆரம்பிச்சிருக்காரு. அந்தக் கேள்வியைப் படிச்சி ஃபீல் ஆன ஒரு அப்பாவி ரங்கமணி (ரங்கமணினாலே அப்பாவி தானேனு உண்மையை எல்லாம் சொல்லப்படாது) எனக்கு தனிமடல்ல பதில் அனுப்பினாரு. அதான் உங்களோட பகிர்ந்துக்கலாம்னு

உங்க மூக்கு உங்களுக்கு பிடிக்குமா?
சி.மூ.உ.மு வா இல்லை சி.மூ.உ.பி யா?
அது என்னனு கேக்கறீங்களா? சில்லு மூக்கு உடையறதுக்கு முன்னாடியா இல்லை பின்னாடியானு சொல்லலையே? அது ஒண்ணுமில்லை சீரியல் பாக்கற நேரத்துல கிரிக்கெட் மாட்ச் பார்க்கலாம்னு சேனல் மாத்தற ஒரு சின்ன சண்டைல சில்லு மூக்கு உடைஞ்சிடுச்சி. என் பல்லு அளவுக்கு சில்லு ஸ்ட்ராங்கா இல்லைனு ரொம்ப ஃபீல் ஆகிட்டாங்க. அப்பறம் அவுங்க ஃபீல் ஆனதைப் பார்த்து நாடகமே பார்க்கலாம்னு முடிவு பண்ணிட்டோம். மூக்கு இப்பவும் நல்லா இருக்கறதா தங்கமணி சொல்றாங்க.

உங்க பக்கத்துலே யாரு இருக்கறதுக்காக வருத்தப்படறீங்க?
இந்த மாதிரி கேள்வி எல்லாம் பப்ளிக்ல கேக்கப்பிடாது. சொல்லிப்பிட்டேன்

கண்ணாடி முன்னாடி நின்னு உங்க பற்களை எண்ணியிருக்கீங்களா? எவ்வளவு தேறுது?
போன வாரம் எண்ணத சொல்றதா இல்லை இன்னைக்கு எண்ணதை சொல்றதா?

(திருமணமான ஆண்களுக்கு மட்டும்) நீங்க கடைசியா சிரித்தது எப்போது?
நேத்துக் கூட சிரிச்சனே!
ஒரு வாரத்துக்கு முன்னாடி வந்த மாமனார், மாமியார் நேத்து ஊருக்கு போறோம்னு சொன்னவுடனே தான். அப்ப தான் முந்தின கேள்வில கேட்ட கவுண்ட்ல ஒண்ணு குறைஞ்சது.

சுடுதண்ணீரில் குளிக்க விருப்பமா அல்லது ஜில் தண்ணீரிலா?
கேஸ்க்கு அலைஞ்சதுல இருந்து ஜில் தண்ணில குளிக்கறது தான் விருப்பம்.

படிக்கட்டில் ஏறும்போதும் இறங்கும்போதும் - ஒவ்வொரு படிகளாக போவீர்களா அல்லது இரண்டிரண்டு படிகளாக தாண்டிப் போவீர்களா?
தனியா வீட்டை விட்டு வெளியே போகும் போது நாலு நாலு படியா தாண்டி போவேன். வீட்டுக்கு வரும் போது ஒண்ணு ஒண்ணா...

இட்லிக்கு எதை தொட்டுக்கொண்டு சாப்பிட பிடிக்கும்? (தரையை / சுவற்றை தொட்டுக் கொள்வேன் என்று அறுக்க வேண்டாம்!!).
எது செய்யறதுக்கு சுலபமா இருக்கோ அதைத் தொட்டுக்கொண்டு சாப்பிடறது தான்.

மோதிரம் போட்டுப்பீங்களா? எந்த விரலில் போட்டுப்பீங்க?
தங்கமணி விரல்ல தான் :)

உங்க தலையில் வகிடு எந்தப்பக்கம் எடுப்பீங்க? இடது, வலது அல்லது நடு?
பூரிக் கட்டைல அடி விழும் போது எந்த பக்கம் விழுதோ அதுக்கு எதிர்பக்கம். அப்ப தானே மறைக்க முடியும்.

எந்த விரலில் நகம் கடிக்க அதிகம் விரும்புவீர்கள்?
ஆபிஸ்ல பக்கத்து சீட்ல உக்கார்ந்திருக்க மல்லு ஃபிகர் விரல்ல இருக்குற நகங்களைத் தான். 

இந்த தொடரை யார் வேணும்னாலும் தொடரலாம்.



Wednesday, June 10, 2009

பைத்தியகாரன், ஆஸி டீம் கார்ட்டூன்ஸ்












Saturday, June 6, 2009

ரெடிமேட் பின்னூட்டம் வாங்கலீயோ பின்னூட்டம்!!!

அண்ணன் பைத்தியகாரன் அவர்களால் அனைவரும் கதை எழுத ஆரம்பிச்சாச்சு, சரக்கு உள்ளவங்க கதை எழுதுறாங்க நாம என்னா செய்வது?அட்லீஸ் ஊக்கம் கொடுக்கலாம்சிறு கதை எழுதுவர்களுக்கு. எப்படி ஊக்கம கொடுக்கலாம் என்றுதான் இந்த பதிவு.

பார்த்தீங்கன்னா பல பேர் கதையை எல்லாம் படிக்க நேரம் இல்லை அப்புறம் எப்படி பின்னூட்டம் போடுவது என்று போடுவதே இல்லை, அப்படி செய்தால் கதை எழுதும் ஆசிரியர் மனம் என்ன பாடு படும். இதோ சில ரெடிமேட் டெம்ளேட்ஸ்

சிறு கதைக்கு என்றால்

1) எதிர் பாராத முடிவு:) அருமை

2) நல்ல திரும்பம்:) எதிர் பார்கவே இல்லை.

3) சின்ன கதையாக இருந்தாலும் சிறப்பாக இருக்கிறது.

4) //--------------------------------// இந்த வரி மிக அருமை ( ------குள் எதை வேண்டும் என்றாலும் காப்பி பேஸ்ட் செஞ்சுக்குங்க, ஆனால் முடிந்தது or முற்றும் என்ற வரியை காப்பி பேஸ்ட் செஞ்சி அருமை என்று சொல்லிடாதீங்க அடி விழும்).

5) சமீபத்தில் படிச்சதில் இந்த கதை மிக சிறப்பாக இருக்கிறது.

6) ஆனந்தவிகடனுக்கு அனுப்பலாம்!


7) யூத் விகடனில் ஒரு பக்கம் உண்டு!

போட்டிக்கான் கதையாக இருந்தால் வேலை மிக சுலபம்.

1) வாழ்த்துக்கள்

2) போட்டியில் வெற்றி பெற அட்வான்ஸ் வாழ்த்துக்கள்

3) நிச்சயம் வெற்றி பெற போகும் கதை.

4) கலக்கல் கதை! வெற்றி நிச்சயம்.

5) இப்படி எல்லாம் கதை எழுதினா நாங்க எல்லாம் போட்டியில் கலந்துக்க முடியாது போலவே!!!

6):))) அருமை



7) இதுதான் கதை! இதுமட்டுமே கதை!



8) எனக்கு இல்ல சொக்கா எனக்கு இல்ல!




தொடர் கதைக்கு என்றால்

1) ரொம்ப அருமை! மிக இயல்பாக இருக்கிறது!

2) அடுத்த பாகத்துக்காக வெயிட்டிங் !!! ( எத்தனை பாகம் எழுதினாலும் இவர் படிக்க போவது இல்லை என்பது வேறு விசயம்)

3) வாரம் ஒரு முறைதானா? :(((( [ வாரம் ஒரு முறைதானே!!! என்று போட்டுவிட கூடாது கவனம் தேவை]

4) ஹீரோ டயலாக சூப்பர் , ஹீரோயின் டயலாக் சூப்பர்

5) நல்ல எழுத்து நடை!

6) கடைசி வரியில் அடுத்த பாகத்துக்கான் எதிர்பார்பை தூண்டி விட்டு விடுகிறீர்கள்!

7) சீக்கிரம் தொடருங்கள்!!! [ நிஜ கருத்து சீக்கிரம் முடியுங்கள் ]

8)//-------------------------------// நான் ரசித்த வரிகள்

9) கதை போல் இல்லை சொந்த அனுபவமோ!!!

10) தேர்ந்தெடுத்த கதை ஆசிரியர் கதை போல இருக்கு.

11) அடுத்த முறை இன்னும் கொஞ்சம் அதிகமாக எழுதவும்!!! [ ரொம்ப பெருசா எழுதி இருக்க சின்னதா எழுதுய்யான்னு அர்த்தம்]

12) தொடரும் என்ற வரிக்கு முதல் வரியை காப்பி செய்து, என்ன இப்படி முடித்து விட்டிர்கள் சீக்கிரம் தொடருங்கள்.

13) முடிவை அறிய ஆவலாக உள்ளேன் தனிமடலிலாவது சொல்லவும்!!!

14) முந்தைய பாகங்களை தேடி தேடி படித்தேன் அந்த அளவுக்கு சிறப்பாக இருக்கிறது உங்கள் தொடர். [ முதல் பாகத்துக்கு இந்த பின்னூட்டம் சரி வராது]

15) மிகவும் விறு விறுப்பாக இருக்கிறது.

16) யாராவது அருமை என்று பின்னூட்டத்தில் சொல்லி இருந்தால் காப்பி பேஸ்ட் செஞ்சு ரிப்பீட்டேய் போடலாம்:)

Tuesday, June 2, 2009

நமீதாவை போட்டோ எடுக்கும் CVR, நந்து, ஜீவ்ஸ்!!!

பதிவர்களின் கோரிக்கையை ஏற்று நமீதா பதிவர்களின் சந்திப்புக்கு சிறப்பு விருந்தினராக வர சம்மதம் சொல்லியதை எடுத்து நிகழ்ச்சி ஒருங்கினைப்பு வேலையை சிபியும், ராமும் புயல் வேகத்தில் செய்கிறார்கள்.

நமீதாவுக்கு என்ன என்ன பிடிக்கும் என்ன என்ன கொடுக்கலாம் என்று பேசிக்கிட்டு இருக்கும் பொழுது... அரை மணி நேரம் கழித்து

சிபி நமீத்தாவுக்கு என்ன பிடிக்கும் என்கிறார்!

ராம் கடுப்பாகி தள அதைதானே அரை மணி நேரமா பேசி முடிவு எடுத்துக்கிட்டு இருக்கோம் என்று டென்சன் ஆக..

சிபி திரும்ப நமிதாவுக்கு என்ன பிடிக்கும் என்கிறார்..

வேண்டாம் டென்சன் செய்யாதீங்க நாங்க முடிவு செஞ்சுட்டு சொல்றோம் என்கிறார் இளா.

சிபி திரும்ப நமீதாவுக்கு என்ன தான் பிடிக்கும் என்று சொல்ல...கொஞ்சம் லேட்டாக புரிஞ்சுக்கிட்ட அனைவரும் மொத்து மொத்துன்னு மொத்த...

மெதுவாக அங்கு வந்த வெட்டி என்ன தள அடி கொஞ்சம் பலமோ! என்று கேட்க .. சிபி வடிவேலு மாதிரி..லைட்டா என்கிறார்.

பின் ராம் இது வரலாற்று சிறப்பு மிக்க நிகழ்வு என்பதால் அதை பதிவு செய்ய போட்டோ, வீடியோ எடுக்கனும் என்று பேசி முடிவு செய்கிறார்கள்...
போட்டோ கிராப்பியில் புலிகளான CVR, நந்து, ஜீவ்ஸ் மூவரும் போட்டோகிராப்பர்களாக நியமிக்கப்படுகிறார்கள்.

நமீதா வீட்டில் இருந்து புறப்பட்டு சந்திப்புக்கு வரும் இடம் வரை போட்டோ எடுப்பது CVR பொறுப்பு என்றும், சந்திப்பில் இருக்கும் பொழுது போட்டோ எடுப்பது நந்து பொறுப்பு என்றும், பின் முடிந்ததும் திரும்ப போகும் பொழுது போட்டோ எடுப்பது ஜீவ்ஸ் பொறுப்புஎன்று மூன்று பகுதிகளாக பொறுப்பு ஒப்படைக்கப்படுகிறது...

சந்திப்புக்கு இருப்பதிலேயே குட்டி டிரஸாக போட்டுக்கிட்டு வரும் பொழுது அவர் வீட்டில் இருந்து கிளம்பியது CVR கேமிரா பளீச் பளீச் என்று மின்ன
கலக்குறார் பாருய்யா நம்ம ஆளு என்று பெருமை படுகிறார் சிபி..

அடுத்து சந்திப்புக்கு வந்த இடத்தில் கீழே விழுந்து பொறண்டு நம்ம நந்து போட்டோ எடுக்கிறார்..

அடுத்து திரும்பி போகும் பொழுது ஜீவ்ஸ் போட்டோ எடுக்கிறார்...

அவர்கள் எடுத்த போட்டோஸ் பிரிண்ட் போட போய் இருப்பதால்... ஒருநாள் காத்திருக்கவும்.. வந்ததும் இங்கு அப்டேட் செய்யப்படும்.

மிகவும் கிளாமரான போட்டோவாக இருக்கும் என்பதால் ரகசியமான இடத்தில் பிரிண்ட் செய்யப்படுகிறது.