உறக்கம் தொலைத்த இரவுகளில்.

எங்கேயோ கேட்ட மாதிரி இருக்கிறதல்லவா இந்த தலைப்பு? ம்ம் நான் வலைப்பதிவில் எழுத ஆரம்பித்த தொடக்கத்தில் எழுதிய தொடர் இது.இங்கே காதலுக்காக ,காதல் மாததுக்காக ஸ்பெசலாய்.

ஆண்களும் பெண்களும் ஒன்றாக படித்த பள்ளியில் தான் நான் படித்தேன்
இருந்தாலும் எங்களை பிரித்தே வைத்திருந்தார்கள்.ஒரு சில வகுப்புகளுக்கு நாங்கள் ஒன்றாக இருப்போம்.பெரும்பாலும் எங்களுக்கு என்ன பாடம் எடுக்கிறார்களோ
அதே தான் பெண்கள் வகுப்பிலும் எடுப்பார்கள். அந்த ஆண்டில் புத்தக பற்றாக் குறை,ஆரம்ப நாட்களில் பெண்கள் எங்களிடமும் ,நாங்கள் பெண்களிடமும் புத்தங்கங்கள் வாங்கிக் கொள்வோம்.

அந்த பசுமையான காலங்களை நினைத்து எழுதிய
கவிதைகள்.


1.

உயிரியல் புத்தகத்தில்
'முத்தமிடல் நோய் பரவுவதற்கு முக்கிய காரணம்'
என்ற வரியில் முத்தமிடல் என்ற வார்த்தையை
அடிக்கோடிட்டு இருந்தாய்.


அன்றை தினம் இரவில் இந்த விஷயத்தை
நீ தொலைபேசியில் சொல்லி என்னிடம்
கேட்ட போது

உன்னிடன் புத்தகம் கடன் வாங்கிய
நான் அந்த வரியிலேயே அன்று முழுவதும்
நின்றிருந்ததை மறைத்து


'அப்படியா..? கவனிக்க வில்லையே' என்றேன்
நினைவிருக்கிறதா.....?


2.என் அக்காவுடன் பொருட்காட்சி நீ
சென்ற அந்த நாளில்
எங்கே உன்னுடன் வந்தால் நாம்
இருவரும் நண்பர்களாகி விடுமோ
இவள் என் காதலியாக தானே வரவேண்டும்
என்பதற்காக வேண்டுமென்றே
டியூசன் போகிறேன் என்று
ஓடி ஒளிந்தேன் நினைவிருக்கிறதா?



தொடரும்.....