Friday, August 25, 2006

ஆப்பரேஷன் போலி வரு.வா.சங்கம் - 2

முதல் பகுதியை வாசிக்க இங்கேச் சுட்டவும்

கைப்பு கிளம்பிப் போன பிறகு...

சிபியின் ஆவேசமானத் தோற்றம் கண்டு கலங்கிப் போயிருந்தோம் நால்வரும். தளபதி டக்கென்னு பாக்கெட்டுக்குள் கைவிட்டு கையை மடக்கி மேலேத் தூக்கி காற்றில் நாலைந்து முறை ஆட்டிக் காட்டினார்.

" எதாவது தாயத்து மேட்டரா?" இது நான்.
"ச்சே எல்லா தாயத்தையும் டாலருக்கும் பவுண்டுக்குமா வித்து நல்ல ரேட் பாத்துட்டார்ப்பா.. இப்போ ஸ்டாக் இல்ல அவர்கிட்ட்" இது விவசாயி.

கையைத் திறக்கிறார் உள்ளே சிம்ரன் படம்.

"தள, கட்சி மாறிட்டீயா... சிம்ரன் ஆன்ட்டி போட்டோவைக் காட்டுற.. எங்கே அந்த ..."
பாண்டியின் கதறல் முடியும் முன், சிபி க்ரீஷ் படத்தில் வரும் ஹிரித்திக ரோஷன் மாதிரி சரக்புரக்கென என்ன என்னமோ வித்தைக் காட்ட கொஞ்ச செகண்டுக்குள் அவர் கோலம் மாறுகிறது.. கருப்பு கோடு கருப்பு பேண்ட் கருப்பு தொப்பி கருப்பு கண்ணாடி கையிலே கருப்பு செல்போன்.. அதுல்ல கருப்பு தான் எனக்குப் பிடிச்ச கலரு ரிங் டோன்...

பேக் கிரவுண்டில் ஸ்பானீஷ் பாடல் ஒன்று படு ஸ்டைலா ஒலிக்க... ருமுக்குள்ளே குறுக்கும் நெடுக்கும் முப்பது தடவை நடந்தார் தள.

"சிக்கிட்டோம் இனி சிதறாம போறது சிரமம்" இது புலிக்குட்டி சிவாவின் பம்மல் பஞ்ச்.

சிம்ரன் படத்துக்குப் பின்னாடி இருந்தது ஒரு உணவகத்தின் விசிட்டீங் கார்ட். அந்தக் கடையின் நம்பருக்கு சிபி போனைப் போட்டார்.

"ஹலோ ... சிம்ரன் ஆப்பக் கடையா....?"

என்னாது கொய்யாலேலே..... திறந்த வாய் மூடாமல் மற்ற நால்வரும் பீதியில் பிளிறினோம். தளபதி எதையும் கண்டுகொள்ளவில்லை

"ஹலோ..ஹல்ல்லோ... நான் வ.வா.சங்கம் தளபதி கலாயத்தல் திலகம் ஜாலித் தம்பி அண்ணன் சிம்பு.. சீ சிபி.. பேசுறேன்.. " என்று ஏற்ற இறக்கத்தோடு பேசினார்.

"நான் எதோ விதைச்சது விளைஞ்சது.. வித்தது.. விலைப் போகாததுன்னு ஒரு ஓரமா உக்காந்துப் பதிவுப் போட்டுகிட்டு இருக்கேன் என்னிய் சங்கம் அது இதுன்னு கூட்டிட்டு வந்து பங்கம் பண்ணிட்டீங்களே பாவி மக்கா" இது விவசாயி.

"நான் பாட்டுக்கு அத்து வானக் காட்டுல்ல கிடைச்ச பாகிஸ்தான் நாட்டு பிகர்களைப் படம் புடிச்சுப் பாண்டிக்கு அனுப்பி எதாவது ஆகுமாப் பார்ன்னு விசாரிக்க வந்த இடத்துல்ல சங்கம்.. நீ எல்லாம் சிங்கம் சொல்லி மந்தரிச்சு மஞ்சத் தண்ணீ ஊத்தி இப்படிக் கிடத்திப் புட்டியளே மக்கா.. சங்கத்துல்ல சுனாமி வர.. வந்து எல்லாத்தையும் சுருட்டிகிட்டு போக.." புலிக்குட்டி சிவா கண்ணீரில் நனைய...

பாண்டியும் நானும் அங்கிட்டு இருந்து தப்பிக்க எதாவது வழி கிடைக்குமான்னு சுத்தும் முத்தும் பார்த்துகிட்டு இருந்தோம்..

"தேவண்ணே... இவங்க இப்படி பொலம்பியே நம்ம கழுத்தை அறுத்துருவாய்ங்கப் போலிருக்கு... நான் வேணும்ன்னா டைம் பாஸ்க்கு நான் சாட்டிங்க்ல்ல கரெக்ட் பண்ண ஒரு ஆன்ட்டி நம்பர் போட்டு தர்றேன் கொஞ்சம் நேரம் கச்சேரி பண்றீங்களா"

"ஏலே பாண்டி நாங்க விவரம்டீ.. நீ இப்படித் தான் போனத் தடவை.. நயந்தாராவுக்கு நமபர் போட்டுத் தார்ரேன்னு சிபிக்கு அவர் பொண்டாட்டி நம்பரைப் போட்டுக்கொடுக்க.. அவரும் ஒரு பீலிங்க்ல்ல போன்ல்ல நம்ம கவுண்டர் கணக்கா ரொமான்டிக் லுக் எல்லாம் கொடுக்க.. மீதி வரலாரு நாடறியும்... நீ என்னை அத்து விட்டுட்டு இங்கே இருந்து போகவே முடியாது.." பாண்டி கையை இறுக்கிப் பிடிச்சௌ வைச்சுகிட்டேன்.

இந்தக் கேப்பல்ல போன்ல்ல என்னவோ நடந்து இருக்கணும்.. ஒரு வாட்டி தல இப்போ இந்த கிராண்ட் மாஸ்டர் ஷோவுல்ல வருதே ஒரு புள்ள... பேரு கூட காயத்ரி ஜெயராம் ( பெயர் தகவல் உபயம் : நன்றி பாண்டி) அது கிட்ட பேட் வேர்ட்ஸ்ல்ல வாங்கு வாங்குன்னு வாங்கி கட்டுவாரே.. அதே ரியாக்ஷன் சிபி மொகத்துல்ல..

" மே ஐ கம் இன்சைட்" இது நான்.
" ஊ இஸ் தட் டிஸ்டபன்ஸ்" இது விவசாயி..

"நத்திங்.. நான் எல்லாம் பேசிட்டேன்.. ஆப்பக் கடைக்கு அர்த்த ராத்திரியில்ல நம்மளை வரச் சொல்லியிருக்கார். "

"பட் உங்க மொகம் வாடி போயிருக்கு" இது சிவா

" அப்படி தெரியுதா..அது கன்டி நியூஸா வேலைப் பாக்குறேன் இல்ல அதான் வேற ஒன்னும் இல்ல"

"நம்பலாமா?" இது பாண்டி.

" ஒ.கே நம்பலாம் போலி இஸ் மை பெஸ்ட் பிரெண்ட்யா.. நம்புங்க.. போலியும் நானும் ஆர்.எஸ் புரம் கிருஷ்ணா ஸ்வீட்ஸ்ல்ல பலத் தடவை ஒண்ணா போளி எல்லாம் சாப்டு இருக்கோம்யா"

"அப்புறம் அர்த்த ராத்திரில்ல மீட்டீங் எதுக்கு?"

'அவ்ர் கொஞ்சம் ஷை டைப் .. நம்புங்க வயசுப் பசங்க பாக்க வர்றீங்க ஒரு சின்ன வெக்கம் இருக்கும்ல்ல" சிபி திடமாய் சொன்னார்.

"அவர்ட்ட எல்லாம் பேசிட்டேன்... இப்போ சங்கத்தைப் பெரிய லெவலுக்குக் கொண்டு போறதுக்கு அவரும் ஓ.கே சொல்லிட்டார்.. அதாவது.. நம்ம சங்கத்துப் பேர்ல்ல ஒரு போலி சங்கம் அவரே ரெடி பண்றேன்னு சொல்லிட்டார்...அவர் வழ்க்கமா அனுப்புற போலி லிஸ்ட்வோட லேட்டஸ் வெர்சன் இன்னிக்கு ரிலீஸாமா.. அதுல்ல கடைசிப் பெயரா நம்ம சங்கமும் வந்துருமாம்.. உறுதி கொடுத்துட்டார்"

"அப்புறம் நாமளும் வலை உலகிலே பெரிய பெரிய ஆளுங்க லெவலுக்கு போயிருவோம்.. இது வரைக்கும் நம்மளை எல்லாம் வெறும் தமாஸ் கூட்டம், மூளைக்கெட்ட பசங்க அப்படி பாக்குற அந்த இமெஜ் அப்படியே மாறிடும்... நம்ம தல கைப்புவை இந்த நிகழ்ச்சிக்கு அப்புறம் நம்ம வலை உலக மக்கள் எல்லாரும் ஒரு ஆல்பர்ட் அயன்ஸ்டீனோட மறுபிறப்பாப் பாப்பாங்க அது உறுதி.

"இந்தா நம்ம இளா ஒரு அரிஸ்டாட்டில்.. நம்ம தேவு ஒரு ஷேக்ஸ்பியர்...சிவா ஒரு ப்ளூட்டோ...

"தள.. அது பிளேட்டோ.. ப்ளூட்டோ.. டிஸ்னி காமிக்ஸ்ல்ல வர்ற நாயி ண்ணே" இது சிவா

"ம்ம் அது அதே தான் நீயு"

"தள ..என்னிய விட்டுட்டீங்களே.. நானு" இது பாசக்கார பாண்டி.

" நீ எல்லாம் லியோ டால்ஸ்டாய் லெவலுக்கு போயிருவ..நாம் எழுதறது எல்லாம் எங்கியோப் போகும்.. நமக்கு இனிமே இந்த தமிழ்மணம் மக்கள்ஸ் சப்போர்ட் வேணாம்.. இங்கிலீஷ் மணம், பிரெஞ்ச் மணம், ஜெர்மன் மணம், ஜப்பான் மணம்ன்னு பிக் அப் ஆகிப் போயிகிட்டே இருப்போம்ய்யா"

"எங்களுக்கெல்லாம் பதவி கொடுத்துட்டு நீங்க...தள" விவ்சாயின் கண்களில் கண்ணீர் பொங்கியது.

"இளா.. அவர் தான் சாக்கு ரெட்ஹில்ஸ்" இது நான்

"அது யார்ப்பா.. ?"

"அவர் நம்ம தள மாதிரி பெரிய மேதைப்பா அவர் ப்ரொப்ல்ல அந்த படம் தான் இருக்கும் நீ பார்த்தது இல்லயா விவசாயி"

"அப்படியா? "

தமிழ்மணம் மற்றும் அதையும் தாண்டி எங்களுக்கு கிடைக்கப் போகும் மாபெரும் பெயர் புகழ் இதையெல்லாம் நினைத்து... லா..லா.லா.லா..... ராகம் போட ஆரம்பிச்சோம். தளபதி சிபியின் திட்டத்திற்கு முழு ஆதரவு கொடுப்பதாய் முடிவு செய்தோம்.

ராத்திரி பன்னிரெண்டு மணிக்கு எல்லாரும் மொத்தமாய் கிளம்பி ஆப்பக் கடை வாசலை அடைந்தோம்...

"என்ன தள.. கடை அடைச்சு இருக்கு? " பாண்டி கேட்டான்.

"நாம் கொஞசம் லேட்டுன்னு நினைக்கிறேன். சரி தம்பிகளா எல்லாரும் இங்கேயே வெயிட் பண்ணுங்க நான் உள்ளேப் போய் பாத்துட்டு வர்றேன்"
தள எஙக்ள் கையில் பிஸ்கட் பாக்கெட் ஒன்றை கொடுத்துவிட்டு உள்ளேப் போனார். போகும் முன்னர்,

"தம்பிகளா.. யாராவது இங்கே என்னப் பண்றீங்கன்னு கேட்டு வந்தா.. அவஙக்ளுக்கு எல்லாம் இந்தப் பிஸ்கெட் கொடுத்து பேசிகிட்டே இருங்க... புரியுதா?.. தள உள்ளே போயிட்டு கரேக்ட்டா வேலையை முடிச்சுட்டு வந்துறேன்...இது டைமிங்.."

அப்படின்னு உள்ளே போனார்.தளபதி உள்ளே போய் ஒரு மணிநேரமாகியும் ஆளைக் காணவில்லை. பசி வேற வயிற்றைக் கிள்ளியது. பின்னூட்ட மார்க் பிஸ்கெட்க்களைப் பிரித்து நாங்களே அந்தப் பிஸ்கெட்டுக்களைச் சாப்பிட ஆரம்பித்தோம்.

"இது தப்பில்லயா அடுத்தவங்களுக்குக் கொடுக்க வச்சிருக்க பிஸ்கொத்தெல்லாம் நாமளே சாப்பிடக்கூடாது" பாண்டி பாவமாய் கேட்க

"நோ இது தப்பே இல்ல... இது பத்தி சுஜாதாக் கூட 2002ல்ல.." என ஆரம்பித்த இளாவுக்கு ரெண்டு பிஸ்கெட் எக்ஸ்ட்ரா கொடுத்து அமைதிப்படுத்தினோம்.

"என்னய்யா, பூராப் பிஸ்கோத்தும் காலியாடுச்சு இன்னும் தளபதியே காணும்... " சிவா எச்சரிக்கை மணி அடிக்க

நாங்கள் பீதி அடைய ஆரம்பித்தோம்....அதே சமயம் ஆப்பக் கடை கிரைண்டர்கள் அலறிப் புடைத்து ஓட ஆரம்பித்தன....

ஆத்தாட்ட்ட்ட்ட்ட்ட்ட்ட்ட்ட்ட்ட்ட்ட்ட்ட்ட்ட்டீ.. என்ற பயங்கரப் பேரிரைச்சலோடு ஒரு கொரல் எங்கள் ரத்தததையே நிறுத்துவதுப் போல் கேட்டது.

"இது நம்ம தலக் கைப்பு கொரல் இல்ல்.. தல எப்போ எப்படி இங்கே வந்தார்...."

அதிர்ச்சியில் நாங்கள் நடுங்கி நின்றோம்....


தொடரும்

19 comments:

ILA(a)இளா said...

அய்யா என்னா ஒரு சஸ்பென்ஸ் மேட்டரு. ஹ்ம் அடுத்த பகுதியில தானே தெரியும் ஆப்பக்கடையில கெடச்சது என்னான்னு? கொத்து பரோட்டாவா...............

மின்னுது மின்னல் said...

/./
"ஏலே பாண்டி நாங்க விவரம்டீ.. நீ இப்படித் தான் போனத் தடவை.. நயந்தாராவுக்கு நமபர் போட்டுத் தார்ரேன்னு சிபிக்கு அவர் பொண்டாட்டி நம்பரைப் போட்டுக்கொடுக்க.. அவரும் ஒரு பீலிங்க்ல்ல போன்ல்ல நம்ம கவுண்டர் கணக்கா ரொமான்டிக் லுக் எல்லாம் கொடுக்க.. மீதி வரலாரு நாடறியும்... நீ என்னை அத்து விட்டுட்டு இங்கே இருந்து போகவே முடியாது.." பாண்டி கையை இறுக்கிப் பிடிச்சௌ வைச்சுகிட்டேன்
/./

தளபதிக்கு கல்யாணமாயிடுச்சா

அப்பாடா
::))))

இராம் said...

நல்லாதாய்யா கிளப்புறீங்க பீதியை.....

மின்னுது மின்னல் said...

/./
நல்லாதாய்யா கிளப்புறீங்க பீதியை.....
/./

பீதியில பேதி...??

நாமக்கல் சிபி said...

//தளபதிக்கு கல்யாணமாயிடுச்சா

அப்பாடா
//

மின்னலுக்கென்ன அப்படியொரு நிம்மதி?

பிச்சிப்புடுவேன் பிச்சி! :-x

நாமக்கல் சிபி said...

//எங்களுக்கெல்லாம் பதவி கொடுத்துட்டு நீங்க...தள" விவ்சாயின் கண்களில் கண்ணீர் பொங்கியது//


இளா!
அவ்வ்வ்வ்வ்வ்..........

மின்னுது மின்னல் said...

/./
மின்னலுக்கென்ன அப்படியொரு நிம்மதி?

பிச்சிப்புடுவேன் பிச்சி! :-x
/./

பாண்டி தங்கமணிக்கு போன போட்டு தள கிட்ட குடு ராசா..:)

ILA(a)இளா said...

//பிச்சிப்புடுவேன் பிச்சி!//
ஆப்பக்கடையில கிடக்கிற பரோட்டாவ தானே?

ILA(a)இளா said...

//இது நம்ம தலக் கைப்பு கொரல் இல்ல்.. தல எப்போ எப்படி இங்கே வந்தார்.//

நல்லா வேணும்ல தலைக்கு.
தனியா போனாதான் மூச்சு முட்ட அடிவாங்குறாரு தெரிஞ்ச பின்னும் எதுக்குலே தனியே போனாரு?

எல்லப்பன் said...

ukkanthu yOsippaangalO ?

நாமக்கல் சிபி said...

//தெரிஞ்ச பின்னும் எதுக்குலே தனியே போனாரு?
//

கூட்டமா போனா மட்டும் எல்லாரும் சேர்ந்து வாங்கப் போறமா என்ன?

கைப்புள்ள said...

//"நோ இது தப்பே இல்ல... இது பத்தி சுஜாதாக் கூட 2002ல்ல.." என ஆரம்பித்த இளாவுக்கு ரெண்டு பிஸ்கெட் எக்ஸ்ட்ரா கொடுத்து அமைதிப்படுத்தினோம்//

இப்ப தான் எனக்கு நிம்மதியா இருக்கு. மொத்த ஆப்பையும் தனியா வாங்க நான் மட்டும் என்ன இளிச்சவாயனாங்குறேன்?

mgnithi said...

அடடா ..என்ன ஒரு சஸ்பென்ஸ். அடுத்து என்ன ஆகுமோனு தெரியலயே...

செந்தழல் ரவி said...

:)

உங்கள் நண்பன் said...

தேவு! கலக்குறீங்க,
பாவம் இந்த பச்சப்புள்ள- கைப்புள்ளய நெனச்சாத்தான் பாவமா இருக்கு!சூதுவாது தெரியாத பய!
அடுத்த பதிவு வரும் வரை கைப்பூ அங்கே கைமா தானா?

அன்புடன்...
சரவணன்.

Syam said...

அது சரி சிம்ரன் ஆப்ப கடைல சிம்ரன் இருந்தாங்களானு சொல்லவே இல்ல :-)

Syam said...

அது சரி சிம்ரன் ஆப்ப கடைல சிம்ரன் இருந்தாங்களானு சொல்லவே இல்ல :-)

Syam said...

////தளபதிக்கு கல்யாணமாயிடுச்சா

அப்பாடா
//

மின்னல் எனக்கும் நிம்மதியா இருக்கு :-)

நாமக்கல் சிபி said...

//அது சரி சிம்ரன் ஆப்ப கடைல சிம்ரன் இருந்தாங்களானு சொல்லவே இல்ல//

விட்டா சரவணா ஸ்டோர்ல ஏ.வி.எம் சரவணன் உட்கார்ந்துகிட்டு இருப்பாரான்னு கேப்பீங்க போல இருக்கே!

அப்போ நீங்கதான் நம்ம தலைகிட்ட
சிக்கன் 65ல் 5 இங்க இருக்கு, மீதி 60 எங்கேன்னு கேட்ட ஆளா?