அன்புள்ள மாமாவுக்கு...

முன்: இந்த பதிவுக்குக் காரணம் இதுவோ அல்லது இதுவோ அல்ல!!!
-----

நீங்க ஊரெல்லாம் சுத்திட்டு ராத்திரி லேட்டா வந்தாலும், தூங்கறதுக்கு முன்னாடி சூடா பால் கேப்பீங்க. ஆனா நான் கொஞ்ச நேரம் லேட்டா வந்தாகூட, இருக்கிற பாலையெல்லாம் குடிச்சிட்டு நீங்க தூங்கியிருப்பீங்க.
-----

நீங்க தூங்கும்போது தொலைக்காட்சியின் ஒலியை கொஞ்சம் கூட்டினாலும், உங்களுக்கு கோபம் வரும். ஆனா, நான் தூங்கும்போது நீங்க மட்டும் நல்ல ஒலியை கூட்டி வெச்சிக்கிட்டு, மானாட மயிலாட பாப்பீங்க.
-----

சாப்பாட்டுப் பொருள் எவ்ளோ மேலே இருந்தாகூட உங்களுக்காக நான் மேசை மேல், நாற்காலி மேல் ஏறி எடுத்துத் தரணும். ஆனா, எனக்கு பசிச்சா நீங்க எனக்காக கண்டுக்கவே மாட்டீங்க.
-----

உங்க வாலை நான் தவறுதலா மிதிச்சிட்டா, மன்னிப்பு கேக்காதவரைக்கும் விடமாட்டீங்க. ஆனா, நீங்க என் வாலை மிதிச்சிட்டா, மன்னிப்பு கேக்கறதுக்கு எனக்கு கன்னடம் தெரியாதும்பீங்க.
-----

எனக்கு நாய்னாலே பிடிக்காதுன்னு உங்களுக்குத் தெரியும். ஆனாலும், இன்னொரு மொழி கத்துக்கப்போறேன்னு நீங்க நாய் மொழி கத்துக்கிட்டு வந்து தினமும் என்கிட்டே 'லொள்ளு' பண்றீங்க.
-----

தினமும் உங்க முகத்திலே முழிக்கறது நல்லதுன்னு நான் நினைக்கிறேன். ஆனா, நான் நடுவிலே வந்தாகூட சகுனம் சரியில்லேன்னு நீங்க வீட்டுக்குள்ளே போயிடறீங்க.
-----

உங்களுக்காக நானே தினமும் எலியைப் பிடிச்சி சுடச்சுட எலிக்கால் சூப் செய்து போடணும். ஆனா நீங்க, உங்க பக்கத்திலேயே எலி போனால்கூட, அதை பிடிக்காமெ ஒதுங்கி வழி விடறீங்க.
-----

மாமா...

ஒரு நாளாவது நீங்க நானாகவும்.. நான் நீங்களாகவும் மாறும் வரம் வேண்டுமெனக்கு...

அப்போதுதான் என் மியாவ் உங்களுக்குப் புரியும்!!!

------