சாமியார் சங்கம்!!!

கப்பி பிறந்த நாள் விழாக்கு நமீதா வராங்கனு நம்ம தள கிளப்பிவிட்ட புரளிய நம்பி ஊர்ல இருக்க எல்லா ஹோட்டலையும் சுத்திட்டு ஏமாந்து போய் கோபமா சங்கத்துக்கு வரார் நம்ம தல கைப்பு.

சங்கத்துக்குள்ள கால வெச்சவுடனே ஜெர்க்காகறாரு தல.

சங்கமே ஒரு ஆசிரமம் கணக்கா மாறியிருக்கு. எல்லா சங்கத்து சிங்கங்களும் காவி கட்டிட்டு பவ்யமா உக்கார்ந்திருக்காங்க.

தல அமைதியா வந்து தளபதியை கூப்பிடறார்.

"சிபி! என்னயா பண்ற? நமீதா வராங்கனு நீ கிளப்பிவிட்டதை நம்பி நாள் முழுக்க மெட்ராஸ்ல இருக்க எல்லா ஹோட்டலுக்கும் திரிஞ்சிட்டு வந்தா இங்க இந்த சங்கத்தையே மாத்தி வைச்சிருக்க"

"தலயானந்தா, இனிமே நீங்க என்னை தளபதினோ, சிபினோ கூப்பிடக்கூடாது. நான் இனிமே சிபியானந்தா. அதே மாதிரி இங்க இருக்கற சிங்கங்களுக்கு எல்லாம் திருநாமம் மாற்றப்பட்டுள்ளது. தேவானந்தா, இளவானந்தா, ராயலானந்தா, புலியானந்தா, வெட்டியானந்தா, ஜொள்ளானந்தா, கப்பியானந்தா, தம்பியானந்தா இப்படிதான் கூப்பிடனும். புரியுதா தலயானந்தா?"

"ஏய் தளபதி! நான் குச்சி ஐஸ் வாங்கி தின்ன கடனை அடைக்க சங்கத்தை அடகு வைச்சது உண்மைதான். அதுக்காக கடனை அடைக்க முடியாம சாமீயாராகறதெல்லாம் டூ மச். ஆமா சொல்லிட்டேன்"

"தல! இது சங்க கடனுக்காக போட்ட உடையில்லை. இந்த மாச அட்லாஸ் வாலிபருக்காக நாம ஏற்று கொண்ட வேடம்" ஜொள்ளானந்தா கண்ணிரூடன் சொல்கிறார்

"யாருப்பா அது எனக்கு தெரியாம?" கைப்ஸ் தீவிர சிந்தனையிலாழ்கிறார்.

சங்கத்து வாசலில் கார் வந்து நிற்கிறது.

"இதோ வந்துட்டார்"னு எல்லாரும் கோரசாக சொல்லி கொண்டே வெளியே செல்கிறார்கள்.

ஜீன்ஸ் பேண்ட், டீ - சர்ட், ரே பேன் க்ளாஸ், தலையில் கோல்டன் கலர் டையுடன் (அந்நியன் ரேமோ போல்) "ஹே டீயூட்ஸ், வாட்ஸ் திஸ் நான்ஸென்ஸ். ஐ ஹேட் திஸ் காவி, யூ நோ" என்று சொல்லி கொண்டே இருங்குகிறார் நம் "KRS"