பிட்டுப்படங்கள் பார்க்கலாம் வாங்க...!

நேத்து நம்ம 'பொடியன்'சஞ்சய் இருக்காரில்லையா...?
அவரு போதைக்கு நான் ஊறுகாயாகிட்டேன்.

நான் பிட்டுப் படம் எடுக்கப்போறதா அவரோட வலைப்பதிவுல குத்த வச்சி உக்காந்து ஊரக் கூட்டி,உலகத்தக் கூட்டி தண்டோரா போட்டுச் சொல்லிட்டு ரெண்டு குவார்ட்டர அடிச்சிட்டுக் குப்புறக் கவுந்துட்டாரு.

இத்தனூண்டு சின்னப்பையனப் போய் அண்ணான்னு வேற கூப்பிட்டு ஆரம்பிச்சு வச்சாச்சா,மீசையெல்லாம் நரைச்சு நாளன்னிக்கு ஆகாசம் பார்க்கப்போறவனெல்லாம் கூட அண்ணான்னே கூப்பிட ஆரம்பிச்சிட்டானுங்க.இதுல நெசமா நல்லவன்னு ஒருத்தரு வார்த்தைக்கு வார்த்தை அண்ணான்னு சொல்லி நெசமாக் கெட்டவனாகி என்னைப் போட்டுத் தாளிச்சிட்டாரு.எனக்கு ஒரே அழுவாச்சியா வந்துச்சு.

நல்லவேள ஒரு புள்ள கூட என்னை அந்த வார்த்தை சொல்லிக் கூப்பிட்டு அழ வைக்கல..அந்த மட்டுக்குச் சந்தோசம்..

ஆனாலும் அப்பால பார்த்தாக்க எங்கிட்டிருந்தோவெல்லாம் 'எலே ராசா..பிட்டுப் படம் எடுக்குறியாலே..?எனக்கும் ஒரு சான்ஸ் குடேன்'ன்னு அவனவன் மெயில் மெயிலா அனுப்புறானுங்க.

ஷங்கர் சார் இதப் பார்த்துட்டுப் பீதியாகி "தம்பி,'ரோபோ' ரிலீஸ் நேரத்துல உங்க படத்த ரிலீஸ் பண்ணிடாதீங்க தம்பி.அப்புறம் நானு,ரஜினி,ஐஸ்வர்யா ராயி எல்லாம் நடுத் தெருவில தான் நிக்க வேண்டியிருக்கும்..என்னோட 'செட்'டுல மண்ணள்ளிப் போடாதீங்க தம்பி"ன்னு கெஞ்ச ஆரம்பிச்சிட்டாரு.

அதுல வேற போற போக்குல கேயாரெஸ் அங்கிள் என்னையும் பண்டறி பாய்னு ஒருத்தரையும் சேர்த்து கிசுகிசுவக் கிளப்பிட்டுட்டுப் போக விகடன்,குமுதத்துல இருந்தெல்லாம் கோல் பண்ணி "கவர் ஸ்டோரி'யாப் போடலாமா சார்?" னெல்லாம் கேட்க ஆரம்பிச்சிட்டாங்க.

சஞ்சய் பதிவுங்குறதால அதைப் படிச்சிட்டு நமீதா அக்கா கூட 'என்ன ரிச்சு..படம் எடுக்கப் போறியாமே? எனக்கு ஒரு சான்ஸ் குடேன் மச்சான்.உன் படத்துல நடிச்சி நம்ம தமிழ் சினிமால எல்லார் வாயிலயும் நுழையிற பெயரா என் பெயர் ஆகணும்'னு சொல்லி எஸ்.எம்.எஸ் பண்ணியிருந்தாங்க.

வருங்கால சூப்பர் ஸ்டார் ரித்தீஷ் கூட 'உங்களோட படத்துல நான் நடிக்கணும்குறது என்னோட லட்சியம் ஐயா.நான் சூப்பர் ஸ்டார் ஆனதுக்கப்புறமும் இந்த நன்றியை மறக்காம நீங்க எப்பக் கூப்டாலும் வந்து நடிச்சுக் கொடுக்குறேன்'ங்குறார்.

இம்புட்டுப் பேர் வந்து சொல்ற அளவுக்கு இருக்கே..ஆனா நெசமாலுமே பிட்டுப்படம்னா என்னன்னு எனக்கு ஒண்ணுமே புரியல...ஆருக்கிட்டயாவது கேட்கலாம்னு பார்த்தா ஆருமே வசமாச் சிக்கல.சிக்கின சிலபேரும் தசாவதாரத்துலயும் ஜிலேபிலயும் மூழ்கி முத்தெடுக்கக் கிளம்பிட்டிருந்தாக.

அப்புறம் சீனா ஐயா,மௌலி ஐயா,நாதாஸ் அண்ணா,கார்த்திக் அண்ணா(இந்தக் கடைசி ரெண்டு பேரும் PIT போட்டிக்கான படத்தைச் சொல்றாய்ங்களோன்னு ரொம்ப அப்பாவியாக் கேட்டாக)அம்புட்டுப் பேருட்ட கேட்டும் ஒண்ணும் வேலைக்காவல..ஒண்ணுமே வேலைக்காவல.

ஆரையாவது கேட்டுச் சொல்லுங்கண்ணேன்னு கெஞ்சிக் கூத்தாடி,மடங்கி மன்றாடிக் கேட்டதுக்கப்புறம் தான் ஒரு புண்ணியவான் நம்ம மங்களுர் சிவா பேரச் சொல்லி 'அந்தாளு தான் எத்தியோப்பியால பிட்டுப்படம் போட்டாக் கூடச் சொந்தச் செலவுல போய் எட்டிப் பார்க்குறவரு..அவருக்கிட்டயே போய்க் கேட்டுக்கோ'ன்னாரு.

மங்களூர் சிவா அண்ணாக்கிட்ட கேட்டாக்க 'எலே ராசா..அது மசாலாப்படம் ராசா'ன்னாரு..சரி..உங்கக்கிட்ட இருக்குறதுல நல்லதாப் பார்த்து ஒண்ணு கொடுங்க..நாளைக்கு வ.வா.சங்கத்துல ஷோ காட்டறேன்னா 'சின்னப் பையன் கேக்குற படமாடா இது'ன்னு நடு மண்டையில நச்னு குட்டிட்டாரு..ஒரு கணம் ஒலகம் புரியாம ஆடிப்போயிட்டேன்னா பார்த்துக்குங்களேன்..

உங்களுக்காக மசாலாப்படங்களைத் தேடி இந்தச் சின்னப்பையன் எங்கிட்டுப் போவான்? ஆனாலும் உங்களை அப்படியே திருப்பி அனுப்ப மனசு வரலீங்க..

..அதான் என்னால முடிஞ்ச மசாலாப்படங்களைக் கீழே போட்டிருக்கேன்..

பக்கத்துல யாராச்சும் இருக்காங்களான்னு பார்த்துக்குங்க..வீட்டுக்காரம்மணி,ஆபிஸ் சகதர்மிணிகள் பக்கத்துல இல்லாமப் பார்த்துக்குங்க..அப்புறம் இதெல்லாம் வேணும்னு கேட்டா இந்தச் சின்னப்பையன மாட்டி விட்றாதீக..இனிக் கீழ போங்க...