வவாச-ல அட்லாஸ் ஆகணுமா? காதலிக்கணும்! கவுஜ எழுதணும்!

"சங்கத்தில் ஜில்லுனு ஒரு காதல் சுயம்வரம் நடக்கப் போவுது! எங்கே மொக்கை போட்டுக்கிட்டு இருந்தாலும் அதை எல்லாம் நிறுத்திட்டு, சிங்கங்கள் உடனடியாக சங்க ஆபிசுக்கு வந்து சேரவும்!
சிபியாகப்பட்டவர், கையோடு அந்த ராயலைக் கூட்டிக்கிட்டு வரவும்!"

தல கைப்பு இப்படி ஒரு சுற்றறிக்கையை, எஸ்.எம்.எஸ்-ல எல்லாருக்கும் அனுப்பிச்சி இருந்ததைப் பார்த்து சிங்கங்களுக்கு எல்லாம் ஒரே ரென்சன்! அதுவும் காதல் சுயம்வரம்! அதுக்கு ராயலைக் கையோட இஸ்துக்கினு வரச் சொல்லி இருக்காருன்னா, இதுல ஏதோ விசயம் இருக்கு டோய்!

IPL Twenty20ல சென்னை கிங்க்ஸ் ஆப்பு வாங்குன சோகத்துல இருந்தாரு தேவ் அண்ணாத்த! அவரு கிட்ட போயி இளா வம்பு பண்ணக்கூடிய நேரமா இது? ஈர வெங்காயம் பத்திக்கிட்டு எரியாதா என்ன? இது தெரியாம இந்த இளா...

இளா: அண்ணே ஒரு கிங் ப்ளேக் இருந்தா கொடுங்கண்ணே!

தேவ்: டேய்! நானே சென்னை கிங்கு எல்லாம் ப்ளேக்கான சோகத்துல இருக்கேன்! வந்துட்டான் கிங் ப்ளேக், குயின் ப்ளேக்குன்னு! சென்னைக் கிங்க்ஸை வச்சி, சென்னைக் கச்சேரில என்னென்னமோ பண்ணத் திட்டம் போட்டிருந்தேன்! எல்லாம் போச்சி!

இளா: அட! ஏண்ணே சலிச்சிக்கிறீங்க? IPL இல்லீன்னா இருக்கவே இருக்கு OPL, OPML! ஈர வெங்காயம்...விட்டுத் தள்ளுவீங்களா!

தேவ்: ஆமாண்டா! ஈர வெங்காயம், ஈரப் பூண்டு, ஈரப் பட்டை, ஈர லவங்கம்! இங்க என்ன பிரியாணியா போடுறோம்? தல கைப்போட மெசேஜ் பாத்தல்ல? என்னா சுயம்வரம் அது? உனக்கு ஏதாச்சும் விசயம் தெரியுமா?

இளா: தல இப்பிடி எல்லாம் தைரியமா சுயம்வரம் நடத்தறாரு-ன்னா இதுல ஏதோ விசயம் இருக்கு அண்ணாச்சி! அப்படி சுயம்வரம் வச்சா அதுல கலந்துக்க Eligible Bachelors வேணுமே! நம்ம சங்கத்துல யாரெல்லாம் அண்ணாச்சி தேறுவாங்க?

தேவ்: அதானே, இந்தக் கேயாரெஸ்ஸும், கப்பியும் தானே இருக்காங்க! எதுக்கு தல ராயலைக் கூட்டியாரச் சொன்னாரு? சரி வா, சங்க ஆபீஸ் பக்கம் போயாருவோம்!
வழியில காபி டே பாத்தீனா நிறுத்து டே! ஒரு சிக்கன் க்ராய்சண்ட் கடிச்சிக்கலாம்! தல இப்பல்லாம் மீட்டிங்குல சட்னி வடை கூட காட்டுறதில்ல!

---

சங்க அலுவலகத்தில் வவாசவின் நால்வண்ணக் கொடி பட்டொளி வீசி பறக்குது!
எங்க பார்த்தாலும் இளம் பெண்களின் கூட்டம் தான்! ஜீன்ஸ், சுடிதார், மேக்சி, லோ-கட், ஃப்ளிப் ப்ளாப்-னு ஒரே இளமையின் திருவிழா!
அந்த ஆழிப் பேரலையில் புகுந்து, ஒரு வழியா நீந்திக் கரை சேரறாங்க தளபதி சிபியும், கையோடு கூட்டியாந்த ராயலும்!
சங்க ஆபிசுக்கு நயன்தரா வந்தபோது கூட இம்புட்டு கூட்டம் கூடி இருக்குமான்னு தெரியாது!

ராயல்: என்ன நடக்குது இங்க? இப்பிடி இத்தினி ஃபிகரும் ஒன்னா கெளம்பி வந்தா எப்பிடி? எப்பிடி எப்பிடி நான் SLR-ல ஃபோட்டோ புடிக்கிறதாம்?
இந்தத் தலைக்குக் கொஞ்சம் கூட வெவரனையே இல்ல! தனித்தனியா அத்தினி பேரையும் இன்டர்வியூக்கு கூப்பிட்டிருக்கக் கூடாது? ரூம் போட்டு ஃபோட்டோ புடிச்சிருக்கலாம்-ல?

சிபி: அடங்கு ராசா அடங்கு! இப்ப தான் சங்கமே தங்கமா மின்னுது!
தல-யின் இந்தச் சூப்பர் ஐடியாவுக்காக நான் அவருக்கு ஏலக்கா மாலை போடப் போறேன்!
டேய்...அங்க பாரு மக்கா...ஆபீஸ் மொட்டை மாடியில....நம்ம தலயா அது?

தலயின் தலயில் கோல்டன் ஹேர்டை, கூலிங்கிளாஸ், ரிவிர்சிபிள் டீ ஷர்ட், பெர்மூடா, சென்னை வெயிலுக்கு ஏத்தா மாதிரி ஒரு ரேஞ்சான கெட்டப்புல தல!
கூடவே நாலு black cat! புதுசா ஜெயிச்சி வந்த கட்சித் தலைவர் கணக்கா ஒரு கம்பீரம்! மைக்கைப் புடிக்கறாரு தல!

---

"மக்கள்ஸ் & ஃபிகர்ஸ்...குட் மார்னிங் டு யூ ஆல்!
சங்கத்து சுயம்வரம் இன்னும் கொஞ்ச நேரத்துல ஆரம்பிக்கப் போவுது! போட்டில ஜெயிக்கப் போற பொண்ணு கழுத்துல...இதோ...இந்தச் சிங்கம் மாலை சூட்டுவாரு!

மங்கையர் மனங்கவர் மணவாளன் இவரு! ஜிடாக்கில் பேஸ் மாட்டாரு! ஒன்லி கவுஜ வாசிப்பாரு! திண்ணை, கீற்று, வார்ப்பு-ன்னு எல்லா எடத்துலயும் கதை கவுஜ கவுஜ மட்டுமே வாசிப்பாரு!
அஜீத், விஜய், சூர்யா, ஆர்யா-ன்னு இவரு போடுற ஃபோட்டோவுல இவரு மட்டும் எங்க இருக்காருன்னு யாருமே கண்டுபுடிக்க முடியாது!
ஓர்க்குட்-ல 30000 ஸ்கிராப்பு வாங்கிய அபூர்வ சிகாமணியே, வாங்கோ, வாங்கோ....."

கையோடு கூட்டி வரப்பட்ட ராயல், மனசுல பல பட்டர்ஃபளைக்கள் பறக்க, ஆசை ஆசையா...அவசரம் அவசரமா...முன்னேற...
ஓ மை காட்! ராயலுக்கும் முன்னாடி வேற யாரோ ஒருவன்! கையில் சுயம்வர மாலையுடன்!
ஹிஹி...
ஜூன் மாத அட்லாஸ் சிங்கமே! காதல் கவிஞரே! இலங்கை மாவனல்லை நகரத்து மேயரே! ரிஷான் ஷெரீப்! வாங்க! வாங்க!!