கல்யாணத்துக்கு காத்துட்டிருக்குற சகபதிவர்கள் கவனத்திற்கு..!

முதல்ல உங்க செல்போன் பத்திரமா இருக்கான்னு பார்த்துக்குங்க..
ஏன்னா சமீபகாலமா ஆம்புளப்பசங்க தொலைக்குற முதல் பொருள் கைபேசி தானாம்.
பொண்ணுங்க தொலைக்குறது கைக்குட்டையாம்.

இந்தக் கைபேசிங்குற செல்போன் இல்லேன்னா மொபைல் இருக்கே...
அதை சிலவங்க வேணும்னே தொலைச்சிடுவாங்களாம்.காரணம் என்னன்னா அதால வர்ற தொந்தரவு தாங்க..

தொந்தரவு யார்க்கிட்டிருந்து வரும்..?

பெரும்பாலும் ஆபிஸ்லிருந்து வரும்.

அப்புறம் பிரண்ட்ஸ்கிட்டிருந்து உங்க பொறந்த நாளுக்கோ,கல்யாண நாளுக்கோ இல்ல உங்க எதிரியோட கருமாதி நாளுக்கோ ட்ரீட் கேட்டு வரும்..இல்லேன்னா அவங்க பொறந்த நாளுக்கோ,கல்யாண நாளுக்கோ இல்ல அவங்க எதிரியோட கருமாதி நாளுக்கோ கடன் கேட்டு கூட வரும்.

இது பத்தி பேசிட்டிருக்கும் போது நம்ம சக பதிவர் அங்கிள் 'நாமக்கல் சிபி' இருக்காரில்லையா?
அவர் என்ன சொல்றாருன்னா அவர் இப்படி அடிக்கடி செல்போனை வேணுமின்னே தொலைச்சிடுவாராம்.

'ஏனுங் அங்கிள்? எதுக்குத் தொலைக்கிறீங்?' கன்னு கேட்டா, 'உனக்குக் கல்யாணம் ஆனா நீயே புரிஞ்சுக்குவே'ங்குறார்.

அவர் செல்போனைத் தொலைக்குறதுக்காகவெல்லாம் போய் நான் கல்யாணம் பண்ணிக்க முடியுமா என்ன? அதுல வேற 'பால்ய வயது திருமணம்' எல்லாம் சட்டப்படி குற்றம் பாருங்க.

அதான் அவரை நோண்டி,நொங்கெடுத்துக் கேட்க அங்கிள் என்ன சொல்றாருன்னா கல்யாணம் பண்ணிட்டு செல்போனும் வச்சிருந்தா வீட்டுக்காரம்மா அதாங்க wife செல்போன் ல கூப்பிடும் போதெல்லாம் எதிர்பேச்சுப் பேசாம 'ம்ம் ம்ம்'னு சொல்லிட்டே இருக்கணுமாம்.வீட்டுல இருக்கும் போது தலையாட்டிட்டே 'ம்ம்' சொல்லிப் பழகி செல்போன் ல பேசும் போதும் தலையாடுறதால பார்க்குறவங்க 'கொஞ்சம் மெண்டலோ'ன்னு நினைக்குறாங்களாம்.அதனால எப்ப 'ம்ம்' கொட்டி அலுத்துப் போகுமோ அன்னிக்கு செல்போனை வேணுமின்னே தொலைச்சிடுவாராம்.

இதனால என்ன சொல்றேன்னா நம்ம சக பதிவர்கள்ல இந்த வருஷம் கல்யாணத்துக்காகக் காத்திருக்கிறவங்க எல்லோரும் எக்ஸ்ட்ராவா நிறைய செல்போன் வாங்கி வச்சுக்குங்க..
நீங்க போடுற பந்தியில சாப்பிட்டுட்டு விரலை நக்கிட்டுப் போற பசங்க எல்லோர்க்கிட்டயும் கிfப்டா செல்போனையே கேட்டு வாங்கி வச்சுக்குங்க.

இந்த வீடியோ நம்ம நாமக்கல் சிபி ஆண்ட்டிக்காக...




' ஆண்ட்டி..இனிமே நீங்க சொல்றதுக்கெல்லாம் அங்கிள் செல்போன்ல 'ம்ம் ம்ம்' கொட்டும் போதெல்லாம் அவர் குரலை நல்லாக் கவனிச்சிட்டே இருங்க.இல்லேன்னா இப்படித்தான் ஏதாவது கோல்மால் பண்ணிடுவார்.அப்படிப்பட்ட அங்கிள் அவரு.அப்புறம் இந்தப் பதிவை நீங்க பார்த்துட்டீங்கன்னா இனிமே அவர் செல்போனைத் தொலைக்கவே மாட்டார் '