இன்னிக்கு வாத்தியாராகிட்டேங்க..!

வாங்க..
வணக்கமுங்க..!

இன்னிக்கு நான் வாத்தியாராகிட்டேன்.
வந்த பய,புள்ளைங்களெல்லாம் இப்படி முன்னால உட்காருங்க.
அதாவது நம்ம வ.வா.சங்க வலைப்பதிவுகளை இப்படி ஓடியோடி வந்து பார்க்குற உங்களுக்கு புத்தியிருக்கா...

(கோச்சுக்காதீங்க..எலே விசில் எல்லாம் அடிக்காதீங்க.. என்னது அழுகின தக்காளி எடுத்துட்டு வர மறந்து போச்சா? அதை நம்ம துளசி டீச்சரோ,தூயாவோ எடுத்து வச்சிருப்பாங்க..இல்லேனா ஷைலஜா அக்காவோட மை.பா.வால கூட அடிக்கலாம்..ஆனா நான் இப்ப சொல்ல வந்ததை முழுசா சொல்லவிடுங்க மக்கா.. :)

எல்லாப் பதிவுகளையும் இப்படி ஓடியோடி வந்து பார்க்குற பாசக்காரப்பய புள்ளகளுக்கு புத்தியிருக்கான்னு பார்க்கக் கொஞ்சம் கேள்விகளோட வந்திருக்கேன்.
(பின்ன?நானெல்லாம் எப்ப வாத்தியாராவுறதாம்?)

இப்போ நான் உங்களை நறுக்குன்னு நாலே நாலு கேள்வி கேக்கப் போறேன்.
ஒண்ணுக்காவது சரியா விடை சொல்லிட்டீங்கன்னா நீங்கதாங்க புத்திசாலி :)

கேள்வியெல்லாம் ரொம்ப ஈஸி..
வழக்கம் போல எஸ்கேப் ஆகிடாம ஒழுங்காப் பதில் சொல்லிடுங்க..
இல்லேன்னா நடக்குறதே வேற..ஆமா...!

வாங்க முதல் கேள்விக்குப் போகலாம்.

கேள்வி 1.
ஒரு ஒட்டகச் சிவிங்கியை பிரிட்ஜுக்குள்ள எப்படி அடைப்பீங்க?

இப்ப இதுக்கு விடை சொல்லுங்க பார்ப்போம்..

கொஞ்சம் யோசிங்கப்பா..

முடியலையா?

சரி நானே சொல்றேன்..

விடை :
பிரிட்ஜ் கதவைத் திறந்து ஒட்டகச்சிவிங்கியை உள்ளே போட்டு மூடி விடணும்.

ஐயோ..இவ்வளவு லேசான விடையா?பதில் சொல்லியிருக்கலாமேங்குறீங்களா?

சரி..அடுத்த கேள்வியும் இதே மாதிரிதான்.

இதுக்காவது மூளையைப் பாவிச்சு(அது இருந்தாத்தானேங்குறீங்களா?அதுவும் சரிதான்)பதில் சொல்லணும்..என்ன?

கேள்வி 2.
ஒரு யானையை பிரிட்ஜுக்குள்ள எப்படி அடைப்பீங்க?

சொல்லுங்க பார்க்கலாம்..

என்னது...அதே ஒட்டகச் சிவிங்கி வழிமுறை?

வாங்க விடையைப் பார்க்கலாம்..

அனேகமாக நீங்க சொல்லியிருக்கக் கூடிய

தவறான விடை :
பிரிட்ஜ் கதவைத் திறந்து யானையை உள்ளே போட்டு மூடி விடணும்.
இதத்தானே சொல்ல வந்தீங்க..

அட இல்லைங்க..

சரியான விடை :
பிரிட்ஜ் கதவைத் திறந்து முதலில் உள்ளே இருக்குற ஒட்டகச்சிவிங்கியை வெளியே விடணும்.அப்புறமா யானையை உள்ளே போட்டு மூடிவிடுங்க.

ரெண்டு கேள்வியும் புட்டுக்கிச்சா...?
கவலைப்படாதீங்க..இன்னும் ரெண்டு இருக்கு..

ஒண்ணுக்காவது கரெக்டான விடை சொல்லணும்..சரியா?

சரி..மூணாவது கேள்விக்குப் போவோம்.

கேள்வி 3.
காட்டு ராஜாவான சிங்கம்(ஐயோ..நான் என்னைச் சொல்லலீங்க..)காட்டுக்குள்ள எல்லா மிருகங்களுக்கும் ஒரு முக்கியமான மீட்டிங் வைக்குது..அம்புட்டு விலங்குகளும் தங்களோட சாதிசனத்தோட மீட்டிங்குக்கு வந்திருக்குதுங்க..ஒரே ஒரு விலங்கு மட்டும் வரவேயில்ல..
அது என்னது?

ஏதோ சொல்ல வந்தீங்க..சொல்லுங்க..

முடியலைன்னு சொல்றீங்களா..?

நல்லா யோசிச்சுப் பாருங்க..

சரி ..நானே சொல்லிடறேன்..

விடை :
யானை...ஏன்னா அதைத்தான் நீங்க பிரிட்ஜுக்குள்ள போட்டு மூடிட்டீங்களே.. :)

இப்போ கடைசிக் கேள்வி..

இதுவரைக்கும் எந்தக் கேள்விக்குமே சரியா விடை சொல்லாத நீங்க இந்த ஒண்ணுக்காவது சரியா பதில் சொல்லணும்..

இல்லேன்னா சுத்த வெவரங்கெட்ட பயபுள்ளைகளா இருக்கீகளேன்னு நம்ம ப்ளொக் ஆத்தா வையும்.

கடைசிக் கேள்வி...உங்க புத்திக்கு டெஸ்ட் வைக்கும் இறுதிக்கேள்வியாகப்பட்டது என்னன்னா..

கேள்வி 4.
எந்தக் கேள்விக்குமே சரியா பதில் சொல்லாததால முதலைகள் வாழும் ஒரு ஆற்றுக்கு நடுவே உங்களை ஒரு ஓட்டைப் படகில் விட்டிருக்கேன்னு வைங்க.நீங்க எப்படி உயிரோட கரைக்கு வருவீங்க?


சொல்லுங்க..

கடைசிக் கேள்விங்க..

நீங்க ரொம்ப தைரியசாலிங்க..

குருவியையெல்லாம் பார்த்து மனசைத் திடப்படுத்திக்கிட்டவரு நீங்க..

சொல்லுங்க மக்கா..

ஓஹ் தெரியாதா?

சரி...நானே சொல்லிடறேன்..

சரியான விடை :
ஆறு,ஓட்டைப் படகுன்னா என்ன பண்ணலாம்..?
ஆற்றிலிருந்து குதிச்சு நீந்தித்தான் கரைக்கு வரணும்..!
அப்போ முதலைகள் ?

அவைதான் காட்டுராஜா சிங்கம் நடத்துற கூட்டத்துக்குப் போயிருக்குமே இப்போ.. :)

நம்ம பய,புள்ளக பூராப்பேரும் ஒண்ணுக்காவது சரியான விடை தராத சோகத்துல நான் என் வாத்தியார் பதவியை ராஜினாமா பண்றேங்க..

பில்கேட்ஸ் சார்..சப்ஜெக்ட்ல ஏதோ டவுட்னு சொன்னீங்களே..இருங்க..இதோ வந்துட்டே இருக்கேன் :)